“महाधिवेशनले, पार्टी,अध्यक्षमा, केपी ओली,लाई नै सर्वसम्मत, चयन गर्नेछ : सचिव भट्टराई”
2021, November 19th, Friday

हाम्रो खबर संबाद दाता

“काठमाण्डाै – नेकपा एमालेका सचिव एवम् प्रचार विभाग प्रमुख योगेशकुमार भट्टराईले पार्टीको १० औँ महाधिवेशनले पार्टी अध्यक्षमा केपी शर्मा ओलीलाई नै सर्वसम्मत चयन गर्ने बताउनुभएको छ । सचिव भट्टराईले पार्टीको नेतृत्व चयन सर्वसम्मतिले भए अध्यक्षमा ओली नै चयन हुने बताउनुभएको हो ।”

“आज शुक्रवार काठमाण्डाैमा आयोजित एक साक्षात्कार कार्यक्रममा बोल्दै उहाँले विगतका आठौँ र नवौँ महाधिवेशनमा भएको खुला चुनावले पार्टीलाई विभाजनको तहसम्म पुर्‍याएकाले दशौँ महाधिवेशनमा पार्टीको नेतृत्व सर्वसम्मत ढङ्गले चयन गर्नुपर्नेमा आफूहरूकाे जोड रहेको तर्कसमेत गर्नुभयो ।”

“सचिव भट्टराईले पार्टीमा समूह बन्दीको अवस्था आउन नदिन पनि सहमतिमै नेतृत्व चयन गर्न उपयुक्त हुने बताउनुभयो । सहमतिमा नेतृत्व चयन नभए प्रतिनिधिहरू जो कोहीले पनि नेतृत्वको दाबी गर्न पाउने उहाँले स्पष्ट पार्नुभयो । सचिव भट्टराईले भन्नुभयो, ‘पार्टीको नेतृत्व सर्वसम्मत हुन्छ । त्यो सर्वसम्मत हुने अवस्थामा केपी ओली पार्टीको अध्यक्ष हुनुहुन्छ । मिसन के छ भने– यस पटक सर्वसम्मत ढङ्गले नेतृत्व चयन गर्ने । किनभने हामीले आठौँ र नवाैँ  महाधिवेशनमा खुला चुनाव गर्‍याैँ”

“त्यो चुनावको असल पक्ष पनि थिए तर त्यसले पार्टीमा तलदेखि माथिसम्म समानान्तर विभाजनको अवस्था ल्यायो । समूहबन्दीको अवस्था ल्यायो । पार्टी विभाजनसम्म हामी भोगिराखेका छौँ । यो तितो अनुभवबाट शिक्षा लिँदै यस पटक हाम्रो जोड छ कि– पार्टीमा सहमतिका साथ नेतृत्व चयन गर्ने । एसो गर्दा ए, बी, सी जो पनि हुन सक्छ ।”

“त्यो हाम्रो कोसिस छ र त्यो भएन भने हरेक मान्छेले आफूले चाहेको ठाउँमा प्रतिस्पर्धा गर्न पाउँछ । त्यसको निम्ति कुनै बन्देज छैन ।’सचिव भट्टराईले पार्टीभित्र विभिन्न विचार समूहबाट आएका नेताहरू रहेको उल्लेख गर्दै महाधिवेशनले उनीहरू सबैको सम्मानजनक ढङ्गले व्यवस्थापन गर्ने पनि बताउनुभयो ।”

तपाईको प्रतिक्रिया