“गृहजिल्ला, झापामा, बुवासँग अध्यक्ष ,ओली”
2021, October 24th, Sunday

हाम्रोखबर संवाददाता

“काठमाडौं, ७ कार्तिक । नेकपा (एमाले) का अध्यक्ष तथा पूर्व प्रधानमन्त्री केपी शर्मा ओली यतिवेला गृहजिल्ला झापामा छन्। उनी पार्टीका विभिन्न कार्यक्रममा सहभागी हुनको लागि आज झापा पुगेका हुन् ।”

“झापा ओर्लनेबित्तिकै उनले पृथ्वीनगरमा बुबा र पारिवारिक सदस्यसँग भेटवार्ता गरेका थिए । तीनदिने भ्रमणका लागि आइतबार गृहजिल्ला झापा पुगेका ओलीले बुबा मोहन ओलीलाई झुकेर नमस्कार गरेका थिए। तस्बिर सौजन्य : अध्यक्ष ओलीको सचिवालय””

“हेरिराख्नुस्, अझै मेरै छोरोले, पाँच वर्ष एकलौटी, सरकार ,चलाउँछ : मोहनप्रसाद ओली”

“झापा । प्रतिपक्षी दल नेकपा एमालेका अध्यक्ष केपी शर्मा ओलीका बुवा मोहनप्रसाद ओलीले आफ्नो छोराले पुनः पाँच वर्ष एकलौटी सरकार चलाउने बताएका छन् ।”

“गृह जिल्ला झापामा रहेका बुवा मोहनप्रसादलाई भेट्न ओली आइतबार पुगेका थिए । छोरालाई भेटेपछि मोहनप्रसादले सञ्चारकर्मीसँगको कुराकानीमा आगामी चुनावमा आफ्नो छोराले जितेर पुनः ५ वर्ष एकलौटी सरकार चलाउने दाबी गरे ।”

“उनले सञ्चारकर्मीसँगको कुराकानीमा भने, ‘एमाले सबैभन्दा ठूलो पार्टी बन्छ । फागुनपछि मेरै छोरो प्रधानमन्त्री बन्छ त्यो पनि पाँच वर्ष एकलौटी चलाउनेगरी, हेरि राख्नुस् ।”

“आफ्नो छोरा अझैँ २० वर्षसम्म स्वस्थ रहने बताउदै ९० वर्षीय मोहनप्रसादले छोरा ओलीलाई षड्यन्त्र गरेर हटाइए पनि बताए ।”

“उनका अनुसार ओलीलाई जनताले फेरि सत्तामा पुर्‍याउछन् र पाँच वर्ष सरकार चलाउछन् ।”

तपाईको प्रतिक्रिया