“प्रचण्डलाई महेश, बस्नेतले,एक्लो,हुन नदिने तर एउटा”सर्तमा”
2021, September 18th, Saturday

हाम्रो खबर संबाद दाता

“नेकपा माओवादी केन्द्रका अध्यक्ष पुष्पकमल दाहाल प्रचण्डले एक्लो हुन्छु की भनेको ३ दिन पछि एमालेका युवा नेता महेश बस्नेतले प्रचण्डलाई नयाँ प्रस्ताव गरेका छन् ।”

“एमाले नेता बस्नेतले माओवादी केन्द्रका अध्यक्ष प्रचण्डलाई सेना बिनाको सेनापती नबन्न सुझाव दिएका छन् । प्रचण्डले गल्ती स्विकार गरेर एमाले फर्किए एमालेमा ठाउँ दिने उनले बताएका छन् । त्यसका लागी प्रचण्डले कान समातेर माफी माग्नु पर्ने बस्नेतको सर्त छ ।”

“नेकपा एमालेका युवा नेता महेश बस्नेतले कम्युनिस्ट पार्टी नेताहरुकै स्वार्थले टुक्रिने गरेको भन्दै अब माओवादीका कार्यकर्तालाई एमालेमा समावेश गर्ने चरण शुरु भएको दावी गरेका छन् ।”

“नेपाल निजामति कर्मचारी संगठनको राष्ट्रिय भेलालाई सम्बोधन गर्दै बस्नेतले कार्यकर्ता एकीकृत हुँदा स्वार्थको टकराब नहुने र पार्टी पनि बलियो हुने भएकाले प्रचण्ड–माधव निस्केपछि एमाले बलियो बन्दै गएको बताए ।”

“बस्नेतले भने– हामीले नेता मिलाएर एकता गर्न खोज्दा पार्टी मिलेन । यो एमाले नेकपा एकताको एमाले हो भन्ने कुरा यहाँ रामबहादुर थापा बादल कमरेडहरुको उपस्थितिले पुष्टि गरेको छ । निजामति कर्मचारीका प्रचण्ड पक्षमा रहेका ५१ प्रतिशत साथीहरु यहाँ जोडिनुभएको छ । अब तलैसम्म कार्यकर्ता मिलाउने हो ।”

“बस्नेतले प्रचण्डले आफू विस्तारै एक्लै पर्न थालेको गुनासो गरेको भन्दै सेनाविहीन सेनापति बन्नु भन्दा पहिले नै गल्ती स्वीकार गरेर एमालेमा फर्किन आग्रह गरे ।”

“उनले भने– माओवादी केन्द्र प्रचण्डले भने जस्तै विघटन हुँदैछ ,पेशागकर्मी र मतदाताको स्तरमा विघटित भइसकेको छ । त्यो पंक्ति एमालेमा आबद्ध भइसकेको छ । गल्ती सच्याएर, कान समातेर एमालेमा आउनुस्, अझै पनि डिप्रिसियसन धेरै काटिएको छैन । नत्र जति ढिला गर्यो उति तपाई‌को सान्दर्भिकता सकिनेछ ।”

तपाईको प्रतिक्रिया