“माधव नेपाल पक्षको,स्थायी कमिटी बैठक,सम्पन्न, पार्टी एकतामा,जोड दिने निर्णय”
2021, July 26th, Monday

हाम्रो खबर संबाद दाता

“काठमाडौं, ११ साउन । नेकपा (एमाले) का वरिष्ठ नेता माधव कुमार नेपाल पक्षको स्थायी कमिटी बैठक सम्पन्न भएको छ ।”

“आज बसेको बैठकमा पार्टी एकताको लागि गम्भीर भएर लागिपर्ने निश्कर्ष निकालिएको छ । त्यस्तै, पार्टीमा दुई अध्यक्ष बनाएर आगामी महाधिवेशनसम्म लैजानेगरि छलफल चलेको छ ।”

“यसअघि एमाले विवाद समाधानको लागि कार्यदलले १० बुँदे खाका अघि सारेको थियो । उक्त प्रस्ताव एमालेको केन्द्रीय कमिटी र स्थायी कमिटीबाट अनुमोदन भैसकेको छ ।”

“अब एक अर्काबीच आरोप प्रत्यारोप नगर्नेबारे पनि नेपाल पक्षमा सहमति बनेको एक नेताले जानकारी दिए ।”

“३० भन्दा बढी सांसद साथमा, हुनेमा, माधव नेपाल ढुक्क”

“काठमाडौं, ११ साउन । नेकपा एमाले औपचारिक विभाजनतर्फ बढिरहँदा अध्यक्ष केपी शर्मा ओली र वरिष्ठ नेता माधवकुमार नेपाल पक्षधर नेताहरु सांसद तानातानमा व्यस्त हुन थालेका छन् । दुवै पक्ष बढीभन्दा बढी सांसद पक्षमा पार्न लागेका छन् ।”

“नेकपा एमालेको सुर्य चिन्हबाट निर्वाचित १२१ सांसद मध्ये ओली पक्षमा ८२ देखि ८५ छन् । माधवकुमार नेपाल पक्षमा २४ देखि २६ को बीचमा छन् । तटस्थ ११–१२ सांसद देखिएका छन् ।

“नेपाल पक्षबाट प्रधानमन्त्री शेरबहादुर देउवालाई विश्वासको मत दिने २२ जना स्थिर छन् । झलनाथ खनाल र तुलसा थापा पनि उनकै पक्षमा छन् र उनीहरु देशबाहिर रहेकाले मतदानमा सहभागी भएनन् । यरी माधव नेपाल पक्षमा २४ जना रहेका छन् । १० सांसद अरु जोडिने माधव पक्षको आँकलन छ ।

“तटस्थ भूमिकामा रहेका भीम रावल, सुरेन्द्र पाण्डे, घनश्याम भुसाल, योगेश भट्टराई, झपट रावल, यज्ञराज सुनुवारलगायत १२ जनामध्येबाट बढी भन्दा बढीलाई पक्षमा पार्न सकिनेतर्फ नेपाल समूह लागेको छ । नेपालले रावललाई भेटेर पक्षमा पार्न कोशिश गर्दै आएका छन् ।

“रावल आफ्नो पक्षमा नआएपनि पछि नहट्ने अडानमा माधव नेपाल छन् । उनी पक्षीय नेताहरुले रावल ओलीको पक्षमा गएपनि ३० भन्दा बढी सांसद बनाउन सकिने वचन दिएका छन् ।”

“विश्वस्त स्रोतका अनुसार पार्टी फुट्ने अवस्थामा बामदेव गौतमले थप ५ देखि १० सांसद तान्न सक्ने विश्लेषण नेपाल पक्षमा भइरहेको छ । गौतमसँग लामो राजनीतिक सहकार्य गरेका नेताहरुले उनीसँग भेटघाट र परामर्श गर्दै आएका छन् । यसकारण पनि नेपाल ढुक्क छन् ।”

तपाईको प्रतिक्रिया