“बाँके । उद्योग संचालनका लागि अन्तिम अवस्थामा रहेको बेलामा अचानक विद्युतका पोलहरु ढालिएपछि जय अम्बे स्टिल उद्योगले ठूलो नोक्सानी बेहोर्नु परेको छ । बाँकेमा पश्चिम क्षेत्रकै ठूलो उद्योगका रुपमा रहेको जय अम्बे स्टिलका लागि विद्युत लैजान पोल गाडीएका थिए ।”

“विद्युत लैजाने अन्तिम काम मात्र बाँकी भएको बेलामा अज्ञात समुहले पोल ढालिदिएको निर्माण कम्पनीको दावी छ । नेपालगञ्ज–कोहलपुर सडक खण्डको गनापुरदेखि जानकी गाउँपालिका, ६ मा रहेको उद्योगसम्म बिजुली लैजानको लागि गाडिएका पोलहरु ढालिएका हुन् । कोहलपुरका ब्यवसायी त्रिलोक धितालले पोल गाड्ने र तार तान्ने कामको ठेक्का लिएका थिए ।”

“काम पुरा नहुँदै पोल ढालिएपछि आफु समस्यामा परेको धितालले बताएका छन् । फ्याक्ट्री म्यानेजर अनुप कुमार श्रेष्ठले बिहीबार दिउँसोतीर ११ वटा बिजुली लैजान गाडिएका पोलहरु अज्ञात समूहले ढालिदिएको जानकारी दिए ।उनले १२ लाख रुपैया क्षती भएको बताए । तयारी अवस्थामा रहेको संरचना विकास विरोधीहरुले क्षती पु¥याइदिदाँ अब अन्यौलता बढेको उनले बताएका छन् ।”

“वडाअध्यक्ष लगायतलाई मिलाउनुपर्छ भन्दै स्थानीय एक व्यक्तिले निर्माण व्यवसायीलाई दुई लाख रकम चन्दा मागेको र त्यो नदिएका कारण पोल ढालिदिएको दावी निर्माण कार्यमा संलग्न एक कर्मचारीले दावी गरेका छन् । कर्मचारीले आफुहरुले ५० हजार रुपैया चन्दा समेत दिएको बताएका छन् । सावधानीपूर्वक पोलहरु ढालेर क्षती गराइएकोले विद्युत् सम्बन्धी जानकार मान्छेको अगुवाईमा नै घटना गराइएको आशंका गरिएको छ ।”

“प्रहरी चौकी गनापुरको केही मिटरमा नै दिउँसै घटना हुँदा समेत प्रहरीले वास्ता नगरेको भन्दै निर्माण व्यवसायी र उद्योगले दुख ब्यक्त गरेको छ । बाँकेमा सिडिओ तथा प्रहरी प्रमुखलाई त्यसवारे जानकारी गराइएको पनि बताएका छन् ।