चितवन । गणतन्त्रात्मक शासन पद्धति विरुद्ध सर्वसाधरण सडकमा उत्रिएका छन् । राष्ट्रवादी नागरिक समाज चितवन र नवलपुरको आव्हानमा आज (शनिबार) दिउसो भरतपुरमा निस्केकोे मोटरसाइकल र्‍यालीमा राज आउ देश बचाउँ नारा घन्केको थियो ।

दिउसो १ बजे निस्केको र्‍याली केन्द्रीय बस ट्रमिनल (पारस बसपार्क) हुदै हाकिमचोक–चौविसकोठी–लायन्सचोक–शहिदचोक–पुलचोक–पोखराबसपार्क–आँपटारीहुदै केन्द्रीय बस ट्रमिनल पुगेर कोणसभामा परिणत भएको थियो । र्‍यालीमा हजारौँ सर्वसाधरण सहभागि थिए।

राष्ट्रिय झण्डा पहराउँदै सर्वसाधरणले संघीयता खारेजीको माग गरेका थिए । राजसंस्था र हिन्दुराष्ट्र पुर्नवहाली गर्नुपर्ने, संघीयता खारेज गर्नुपर्ने लगायतका नारा लगाउँदै र्‍यालीमा सहभागी बनेका थिए ।अभियान्ता बसन्तविक्रम पाण्डेले गणतन्त्र विदा नहुञ्जेल प्रर्दशन जारी रहने बताउनुभएको छ।

उहाँले देशमा भएका वेथिति र फजुल खर्च रोक्न राजसंस्था ल्याउनुपर्नेमा जोड दिनुभयो । जनताको नासो भनेर दिएको व्यवस्था जनताले चाहेमा फेरी राजसंस्था फर्किन सक्ने बताउनुभयो ।

योगी श्रीनिवास आचार्यले नेपाल वैदिक भूमी भएकाले हिन्दुअधिराज्य घोषणा गर्नुपर्ने बताउनुभयो । जनता मारेर सत्तामा पुगेकालाई जनताले अब सत्ताबाट फिर्ता ल्याउन सशक्त आन्दोलन गर्नुपर्ने बताउनुभयो । योगी बलभद्रले राजसंस्थाले राष्ट्रिय एकता कायम गर्न सक्ने भएकाले राजसंस्थाको खाँचो देखिएको बताउनुभयो ।

वीर गोर्खाली अभियानका अभियान्ता नगेन्द्र देउजाले ०६२–६३ सालको जनआन्दोलनमा संघीयता र धर्मनिरपेक्षताको माग नभएको जीकिर गर्नुभयो । उहाँले गणतन्त्र आएपनि राजतन्त्र भएको बेलामा भए सरह विकास हुन नसकेको दाबी गर्नुभयो ।

उहाँले राजसंस्था फिर्ता ल्याउन चितवनबाटै आँधिबेहरी आउने बताउनुभयो । अभियान्ता जीवलाल पुरीले जनमत संग्रहको माग गर्नुभयो । राजसंस्था, हिन्दुराष्ट्र र संघीयताको सवालमा जनमतसंग्रह गर्नुपनेृ बताउनुभयो । राष्ट्रवादी नागरिक समाज चितवनका संयोजक सलाउदिन मियाँले ¥यालीले जनचाहनालाई उजागर गरेको बताउनुभयो । १२ वर्षसम्म जनता मौन बसेपनि अब मौन नबस्ने दाबी गर्नुभयो।

भिडियो हेर्नुहोस: