प्रधानमन्त्रीको नातावाद र व्यक्तिवादले नेकपाको अन्त्य हुने निस्चित छ!:-पुर्व अर्थमन्त्री सुरेन्द्र पाण्डे
2020, November 21st, Saturday

admin

चितवन,। नेपाल कम्युनिष्ट पार्टी (नेकपा)का स्थायी कमिटी सदस्य एवम् पूर्व अर्थमन्त्री सुरेन्द्र पाण्डेले पार्टी अध्यक्ष केपी शर्मा ओलीको व्यक्तिवादले नेकपा समाप्त हुने बताएका छन् ।

गृहजिल्ला चितवनमा रहेका नेता पाण्डेले पार्टीको सामूहिक निर्णय हुनुपर्नेमा त्यसो नभई ओलीको काम एकलौटी देखिएको बताए । यसरी सिङ्गो पार्टी एक्लै सञ्चालन गर्न खोज्नुले नै नेकपा समाप्तीतर्फ गएको उनले इंगित गरे । पर्टीमा विधि र सामुहिकता हुनुपर्ने भए पनि त्यसो नभएका कारण पार्टी समाप्त हुने निश्चत रहेको उनकाे भनाइ थियाे ।

नेता पाण्डेले पार्टीको निर्णयविरुद्ध काम गर्ने प्रधानमन्त्रीको कार्यशैलीले वर्तमान विवाद सृजना गरेको बताए । उनले गलत कार्यशैली, पार्टी र सरकार सञ्चालनको दृष्टिकोणको विरोध गर्ने बताए ।

पार्टीले गरेको निर्णय नमान्ने र एकलौटी तरिकाले सरकार चलाउन खोज्ने प्रधानमन्त्रीको कार्यशैलीले नेकपा कमजोर बन्दै गएको र प्रधानमन्त्री सच्चिनुपर्ने उनकाे भनाइ थियाे ।

नेता पाण्डेले शुक्रबार पुर्वी चितवनका विभिन्न स्थानमा कार्यकर्ता भेला गरेका थिए ।तर, जिल्लामा नेता पाण्डेको चर्को विरोध समेत भएको छ । नेकपाकै नेता तथा कार्यकर्ताले गुटगत भेला गरेर प्रधानमन्त्रीलाई गाली गरेको भन्दै पाण्डेको विरोध गरेका हुन् ।

सामाजिक सञ्जालमा पार्टीको भेला भनेर पार्टी निर्माणमा योगदान दिएका अग्रज नेता तथा कार्यकर्ताबिना गुटगत भेला गरेको ओरोप उनीमाथि लगाइएकाे छ ।न्युज24 बाट

तपाईको प्रतिक्रिया